khub baadal ka barasna pyar hai barsat mein
rahmaton ka is tarah izhaar hai barsat mein

arsh se aaya zamin mein jazb pani ho gaya
aap ko aane mein hum tak aa rahe barsat mein [...]

hum to samjhe the ki barsat mein barsegi sharab
aai barsat to barsat ne dil tod diya

showers of wine, i did think, would come with rainy clime
but alas when it did rain my heart broke one more time [...]

kya kahun dida-e-tar ye to mera chehra hai
sang kat jate hain barish ki jahan dhaar gire

dur tak phaila hua pani hi pani har taraf
ab ke baadal ne bahut ki mehrbani har taraf

tut padti thin ghataen jin ki aankhen dekh kar
wo bhari barsat mein tarse hain pani ke liye

yaad aata hai mujhe ret ka ghar barish mein
mein akeli thi sar-e-rahguzar barish mein

wo ajab shakhs tha har haal mein khush rahta tha
us ne ta-umr kiya hans ke safar barish mein [...]